Шақыру учаскесіне тіркеу туралы куәлік (тіркеу куәлігі) шақырылушының әскери есепте тұрғанын дәлелдейтін құжат болып табылады.

Бұл құжатсыз cізді жұмысқа, кәсіптік колледжге немесе жоғары оқу орнына оқуға қабылдамайды. Тіркеу куәлігі – cіз әскери қызметке шақырылғанша немесе запасқа есептен шығарылғанша қолданылады.

Тіркеу куәлігін алу үшін қайда жүгіну керек

1. Тіркелген жері бойынша Тасқала ауданы «Азаматтарға арналған Үкімет» МК аудандық бөлімшесіне (ХҚО).
2. Тіркелген жері бойынша Тасқала аудандық Қорғаныс істері жөніндегі басқармасына.

Сізге келесідей құжаттарды ұсыну қажет:

1. шақыру учаскесіне тіркеу туралы куәлікті алуға арналған өтініш беру;
2. аудандық (қалалық) медициналық комиссияның хаттамалары кітабынан үзінді;
3. жеке куәлік (жеке басын сәйкестендіру үшін);
4. 3х4 фотосурет – 2 дана.

Қызмет көрсету мерзімі: 30 жұмыс күн ішінде.

Қызмет көрсетудің ақырғы нәтижесі: әскерге шақыру учаскесіне тіркеу туралы куәлік беру.