Ал сіздің үйіңізде сәнді кафе ашылған шығар, күндіз де, түнде де, музыкадан бөлек, бокалдардың дыңылы мен келушілердің әңгімелері сізге кедергі келтіреді ме? Толыққанды тынығуға кедергі келтіретін осы шексіз шумен не істеу керек, одан әрі біздің мақалада оқыңыз.
Жұмыстан кейінгі қарбаластан кейін үйге келіп, тыныштық пен жайлылыққа малынғын келеді. Бірақ көршілердің мүлдем басқа жоспарлары болуы мүмкін: жөндеу, қонақтар, қатты музыкалы сауық-кеші.
Түнгі уақыттағы шу
Егер түнгі сағат 23:00-ден таңғы сағат 6:00-ге дейінгі уақытта сіздің демалуыңызға шулы көршілер немесе жақын маңдағы дәмхана немесе басқа да адамдар кедергі келтірсе, қалалық телефон нөмірі 102, ұялы телефоннан 112 бойынша полицияға қоңырау шалуыңызға болады.
Полиция қызметкерлері мұндай көршілерді ҚР Әқбтк-нің 437 - «Тыныштықты бұзу» бабы бойынша жауапқа тартуға міндетті.
Жеке тұлғалар үшін айыппұл мөлшері бастапқы бұзуда - 5 АЕК, жыл ішінде қайталанғанда - 10 АЕК құрайды.
Кәсіпкерлер үшін (ЖК мен заңды тұлғалар) айыппұл мөлшері шағын кәсіпкерлік субъектілері үшін 10 АЕК, орта кәсіпкерлік субъектілері үшін - 15 АЕК және ірі кәсіпкерлік субъектілері үшін - 50 АЕК қарастырылған.
Күндізгі уақыттағы шу
Егер сізге күндізгі уақытта шу кедергіболса, онда сіз шудың өлшемін бақылап көруіңізге болады. Шудың өлшемін тиісті лицензиясы бар мекемеге хабарласып, санитарлық-эпидемиологиялық сараптама аясында өлшеуге болады.
Сондай-ақ, сіз жазбаша өтінішпен санитарлық-эпидемиологиялық қадағалау органдарына (Қоғамдық денсаулықты қорғау Департаменті), санитарлық-эпидемиологиялық сараптама аясында шудың өлшемін бақылайтын қызметкерлерге баруыңызға болады.
Тұрғын үйлерде шудың рұқсат етілген деңгейінен асқан жағдайда кінәлі тұлға «Халықтың санитарлық-эпидемиологиялық салауаттылығы, сондай-ақ гигиеналық нормативтері шеңберіндегі ҚР қылмыстық заңнамасын бұзғаны үшін» 425 бап бойынша жауапқа тартылуы мүмкін.
«Шекті рұқсат етілген шу деңгейлері тұрғын-үй және қоғамдық ғимараттардың және тұрғын үй құрылысы аумағында» ХСЭС рұқсат етілген шу деңгейлері орнатылған. № 3.01.035-97 - кәдімгі шулар және Санитарлы ережелерге «Санитарлы-эпидемиологиялық талаптар мазмұнына және тұрғын үйді және басқа да үй-жайларды, қоғамдық ғимараттарды пайдалану» инфрадыбыстың және төмен жиілікті шулар үшін.
Айыппұлдар ҚР Әқбтк-нің 425-бабы бойынша мыналарды құрайды: жеке тұлғалар үшін - 10 АЕК, ЖК және заңды тұлғалар үшін 20-дан дейін 120-ға дейін АЕК (кәсіпкерлік субъектісіне байланысты). Адамның денсаулығына зиян туғызған жағдайда жеке тұлғалар үшін айыппұл 200 АЕК құрайды, шағын кәсіпкерлік субъектілері үшін 300 АЕК, орта кәсіпкерлік субъектілері үшін 400 АЕК және ірі кәсіпкерлік субъектілері үшін 2000 АЕК (қызметін тоқтата тұрып не онсыз, өнім тәркілене отырып немесе онсыз).
Сонымен қатар, түнгі уақытта болған шуды немесе күндізгі уақытта рұқсат етілген деңгейден асып кеткен оқиғаны жазып қойып, сотқа моральдық зиянын тигізгені үшін және залалды өндіру туралы талап-арызбен жүгінуіңізге болады.